सिड्नी । सफाइ अभियन्ताको परिचय बनाएका खेम शर्माको अब लेखकका रुपमा परिचय थपिएको छ । यही जुन १९ मा सिड्नीमा एक विशेष कार्यक्रम आयोजना गरी सार्वजनिक गरिएको उनको पुस्तक ‘स्वर्णिम रहस्य’ले विमोचनकै दिन प्रवासमा नयाँ रेकर्ड पनि कायम गरेको छ ।

अस्ट्रेलियाका लागि नेपाली राजदूत महेश राज दाहालसहित कार्यक्रममा उपस्थित दुइ सय पचास जनाले संयुक्त रुपमा विमोचन गरेको उक्त पुस्तक विमोचनकै दिन एक हजार प्रति बिक्री भएको छ ।